Бөлшек сауда бизнесі

TV+ платформасына жаңа пайдаланушыларды тарту және оларды ұстап қалу үшін басты даму бағыты — түпнұсқалық контент жасау және оны ілгерілету болып қала береді. 2024 жылы Salem Social Media компаниясымен белсенді ынтымақтастық жалғасын тауып, оның аясында 10 жаңа сериал және 27 мұрағаттық жоба іске қосылды.

Жылдың ең танымал сериалдары: «Эскорт — новый вызов» (100 мың бірегей қаралым), «С любовью, аферист» (95 мың), «60 кг» (92 мың), «Асау» (89 мың) және «Қашан туасын» (76 мың).

Сонымен қатар, Kinoroom жеке кинотеатрының кітапханасы айтарлықтай кеңейтілді — 2024 жылы 170 жаңа тайтл қосылды, олардың 100-і қазақ тілінде. Жылдың ең жарқын премьераларының қатарына Айсултан Сеитовтың «КАШ» фильмі, танымал «Черный двор» сериалының авторларынан шыққан «Приговор» фильмі, «Алматы, я люблю тебя» киноальманахы және Канн фестивалінде сыншылардың жоғары бағасына ие болған франко-қазақ сериалы «Миссия Бесконечность» кіреді.

2024 жылы Компания шексіз үйдегі интернетті, телехабарлар мен онлайн-кинотеатрлары бар TV+ сервисін және ұялы байланысты қамтитын топтамалық ұсыныстарға арналған ұзақ мерзімді келісімшарттар концепциясын сақтап қалды. Мұндай топтамаларды ұзақ мерзімді келісімшартпен қосқан жағдайда, абоненттер абоненттік төлемге жеңілдік алып, келісімшарт мерзімі ішінде бағаның өзгермейтініне кепілдік алады.

Барлық топтамалық ұсыныстар желісі жаңартылды және алғаш рет құрамында 4 ұялы нөмірі бар пакет ұсынылды. Сондай-ақ, жаңа тарифтер желісінде барлық ұялы нөмірлерге шексіз 4G/5G интернет қолжетімді екенін атап өту қажет.

2024 жылдың қазан айында FTTx (оптикалық желі) арқылы қосылған клиенттер үшін Wi-Fi қосылымының сапасын арттыру мақсатында SAPA+ жобасы іске қосылды. Осы бастама аясында «Қазақтелеком» АҚ компаниясы абоненттік құрылғыларды тегін ауыстырды немесе қосымша жабдық орнатты. Бұл желі жылдамдығы мен сенімділігін айтарлықтай арттыруға мүмкіндік берді.

2025 жылғы 4 наурыздағы жағдай бойынша 332 679 клиент жақсартылған интернетке қол жеткізді. Жобаны іске асыру үшін 380 000-нан астам роутер сатып алынды.

B2C сегментіндегі тұтынушылардың адалдық индексі (NPS) 2024 жылдың төртінші тоқсанында 17%-ға дейін өсті. Позитивті пікірлер санының артуы Компанияға жаңа абоненттерді тартуға ықпал етті, бұл өз кезегінде сенім мен ұсыныстардың өсуіне әсер етті.

Қосылу мен өтінімдерді өңдеу үдерісін жеңілдету үшін қызметкерлер мен азаматтық-құқықтық сипаттағы шарттар бойынша жұмыс істейтін мамандарға клиенттерді оңай қосуға мүмкіндік беретін «Мегалайнер» бағдарламалық қамтамасыз ету жүйесі енгізілді.

Негізгі назар автоматтандыруға, ресурстарды басқаруды жақсартуға және өтінімдерді орындау мерзімдерін қысқартуға аударылды. WFM жүйесін енгізу нарядтарды автоматты түрде бөлуге мүмкіндік беріп, абоненттерді қосу уақытын едәуір қысқартты. Сондай-ақ WFM-күнтізбе арқылы орнатушының келу күнін өз бетінше таңдау мүмкіндігі қосылып, бұл клиенттер үшін ыңғайлылықты арттырды.

Жеткізу мерзімдерін жеделдету мақсатында материалдық құндылықтардың қозғалысын басқару жүйесі оңтайландырылып, жабдықтарды есепке алу және мониторингтеу жүйесі енгізілді. Бұл түгендеу дәлдігін және техникалық жай-күйді бақылауды жақсартты. Сондай-ақ GPON желісін кеңейту үдерісін жылдамдатуға бағытталған құрылымдық бөлімшелердің өзара әрекеттесу регламенті әзірленді.

2024 жылы Бөлшек сауда бизнесі дивизионы клиенттердің қанағаттануын арттыру және телекоммуникациялық қызметтерді сатуды тиімді басқару стратегиясын іске асыруды TelecomKz мобильді қосымшасындағы «KT Club» адалдық бағдарламасын дамыту арқылы жалғастырды.

Жыл қорытындысы бойынша бағдарламаға қатысушылар саны 224 474 абонентті құрады, бұл мобильді қосымшаны пайдаланушылардың жалпы базасының 60%-ына тең. Бұл көрсеткіштер клиенттердің жоғары деңгейдегі белсенділігін және бағдарламаның сұранысқа ие екенін растайды.

Бағдарламаны дамыту аясында «Көршіңді шақыр» атты реферальдық акция іске қосылды. Ол қолданыстағы клиенттерге жаңа абонентті шақырғаны үшін 3 000 бонус, ал жаңа пайдаланушыларға телекоммуникациялық қызметтерге қосылған кезде 2 000 бонус алуға мүмкіндік береді. Жинақталған бонус қаражаттарын байланыс қызметтерін төлеуге пайдалануға болады, бұл акцияға қатысуды қазіргі де, жаңа клиенттер үшін де тиімді етеді. Мұндай механизм клиенттер базасының кеңеюіне және адалдық деңгейінің артуына ықпал етеді.

2024 жылы «KT Club» бағдарламасына AirbaFresh, InvictusGO, Xiaomi, Wolt және Choco Рядом сынды брендтерді қоса алғанда, 27 серіктес компания қосылды. Серіктестік ұсыныстар TelecomKz абоненттеріне арналған жеңілдіктер мен арнайы артықшылықтарды қамтиды, бұл бағдарламаның құндылық ұсынысын күшейтіп, «KT Club» адалдық бағдарламасын одан әрі тартымды етеді.

Компания 2024 жылдың қаңтар айынан желтоқсан айына дейін бүкіл Қазақстан бойынша 644 көппәтерлі тұрғын үйлердегі 49 780 абонентке және қалалардың жеке секторындағы 2 341 абонентке жоғары жылдамдықты интернетке қосылуға мүмкіндік беретін «FTTx технологиясы бойынша КЖҚ желісін дамыту» жобасы бойынша оптикалық желілерді пайдалануға берді.

Сонымен қатар, 2024 жылы желілер құрылысының серіктестік моделі бойынша 48 687 үй шаруашылығының жоғары жылдамдықты интернетке қосылу мүмкіндігін беретін оптикалық желілер пайдалануға берілді.

2024 жылы цифрлық теңсіздікті азайту бағдарламасы аясында келесі жабдықтар сатып алынды:

• 245 радиомост WI-FI базалық станциясы (оның ішінде 15 ЗИП түріндегі базалық станция);
• 10 063 клиенттік терминал.

Жыл бойы 104 ауылдық елді мекенде (АЕМ) 110 базалық станция орнатылды, бұл шамамен 6 500 абонентті интернет желісімен қамтуға мүмкіндік берді.

2024 жылғы Капиталдық инвестициялар бюджетін іске асыру аясында 2025 жылға келесі жобалар жоспарланған:

• Қазақстан Республикасының барлық ірі қалаларында талшықты-оптикалық желілерді салу және кеңейту, бұл 81 145 үй шаруашылығын жоғары жылдамдықты интернетпен қамтамасыз етеді;
• GPON желісінің бос қуаттылығын 22 610 бірлікке дейін тиімді пайдалану;
• 68 470 абонентті ADSL технологиясынан GPON технологиясына көшіру.

Клиенттік сервисті күшейту, клиенттермен тиімді жұмыс істеу, ұзақ мерзімді қатынастарды құру және бизнес-мақсаттарға жету мақсатында «Қазақтелеком» АҚ филиалы — Бөлшек сауда бизнесі дивизионында Бас директордың тікелей бақылауымен Клиенттік сервис және маркетингтік коммуникациялар жөніндегі басқарушы директор лауазымы енгізілді. Клиенттік сервис және маркетингтік коммуникациялар жөніндегі басқарушы директордың тікелей бақылауына келесі лауазымдар мен құрылымдық бөлімшелер, сондай-ақ олардың персоналы мен атқаратын функциялары жұмыс орны мен еңбек жағдайларын өзгертпей берілді: Customer Service директоры, «Digital-Office» департаменті және Маркетингтік коммуникациялар департаменті.

2024 жылы ұсынылатын қызметтердің сапасын арттыруға айтарлықтай күш жұмсалды. Мысалы, «SAPA+» жобасы аясында оптикалық желілер (FTTx) арқылы интернетке қосылған 200 000-нан астам абонентке қолжетімділік жылдамдығын барынша арттыру үшін қосымша жабдықтар тегін орнатылды.

• «Үйге бірінші» жобасын іске асыру және бар порттық сыйымдылықты утилизациялау арқылы FTTx сату көлемін 30%-ға арттыру;
• FTTx клиенттерінің кету деңгейін төмендету;
• TV+ платформасында 1 миллион абонентке жету;
• FMS бойынша кірісті кемінде 11%-ға арттыру;
• Серіктестік бағдарламалар аясында 50 мың пәтерге талшықты-оптикалық желі салу.